A.C. Civitas Limicorum

A Festa do Esquecemento.

A Festa do Esquecemento é unha recreación histórica levada a cabo en Xinzo de Limia a penúltima fin de semana de agosto e ambientada no ano 137 a.C.

Celébrase de xeito anual dende o ano 2001 e nela participan máis de 500 persoas de xeito activo, a gran maioría delas veciñas da comarca da Limia.

Actualmente estamos a piques de acadar o recoñecemento como Festa de Interese Turístico de Galicia.

Beltain, xefe dos límicos.
Sabio e intelixente, protector dos poboados nativos e aliado da natureza.
Décimo Xuño Bruto, comandante das lexións romanas, despois de cruzar o Río Lethes mentres chama un a un polos seus soldados.
Recreación da loita final (ano 2022).

Logo de romper a lenda atravesando o Río Lethes, a loita final entre castrexos e romanos é a vida ou morte.

Dela resultan vencedoras as lexións romanas encabezadas por Décimo Xuño Bruto, que dende este momento é coroado como o Galaicus.